अभिनेता खानको निधनले सिनेमा क्षेत्रलाई ठूलो क्षति : प्रधानमन्त्री मोदी

बुधबार बलिउड अभिनेता इरफान खानको असमायिक निधन भएको छ। कुशल अभिनेता खानको निधनले बलिउड क्षेत्र शोकमग्न बनेको छ। उनको मृत्युलाई लिएर अहिले बलिउडाका दिग्गज कलाकारदेखि भारतीय रजानीतिकर्मीहरुले शोक व्यक्त गरिरहेका छन्।

यसैबीच, भारतीय प्रधानमन्त्री नरेन्द्र मोदीले पनि प्रसिद्ध अभिनेता इरफान खानको निधनप्रति श्रद्धाञ्जली व्यक्त गरेका छन्। सामाजिक सञ्जाल ट्विट मार्फत मोदीले विश्व सिनेमा क्षेत्रका लागि ठूलो क्षति भएको उल्लेख गरेका छन्

५४ वर्षीय खानको बुधबार बिहान मुम्बईको कोकिला वेन अस्पतालमा निधन भएको हो। उनी दुई वर्षदेखि क्यान्सरको उपचार गरिरहेका थिए। खानलाई न्युरोइन्डोक्राइन ट्युमर भएको थियो।

शनिबार मात्र इरफान खानकी आमा सईदा बेगमको जयपुरमा निधन भएको थियो ।

लकडाउनका कारण इरफान खान आफ्नी आमाको अन्तिम संस्कारमा सहभागी हुन पाएका थिएनन् । उनले भिडियो कलमार्फत उपस्थिति जनाएको बताइएको छ ।

खानले सलाम बम्बे, मक्बुल, पानसिंङ तोमार, द लञ्च बक्स, पिकु, तलबार, हिन्दी मिडियमजस्ता चर्चित सिनेमामा अभिनय गरेका थिए।

बलिउडमात्र होइन खानले स्लमडग मिलिनियर्स, जुरासिक वर्ल्ड, द अमेजिङ स्पाइडर म्यान र लाइफ अफ पाईजस्ता अन्तर्राष्ट्रिय ब्लकबस्टर सिनेमामा काम गरेका थिए।

तलको भिडियोबाट हेर्नुहोस बलिउड सिनेमाकर्मी अनुपम खेरले व्यक्त गरेको दु:ख

अन्तिम पटक अध्यावधिक गरिएको: मङ्गलवार, वैशाख २३ २०७७ १३:१७:१८
#
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।

प्रतिक्रिया दिनुहोस

सम्वन्धित समाचार

सबै