१४ वैशाख, काठमाडौं । सरकारले अन्तराष्ट्रिय सीमा नाकामा वैशाख ३० सम्म अवागमन रोक्ने निर्णय गरेको छ ।
मन्त्रिपरिषद्को आइतबार बसेको बैठकले बाह्य जगतबाट जोखिम नहोस् भनेर सीमा नाकामा आवागमन रोक्ने निर्णय गरेको हो ।
सरकारले चैत १० बाट सीमा नाकामा आवागमन रोकेको थियो ।
आइतबारको मन्त्रिपरिषद्को बैठकले लकडाउनलाई २५ गतेसम्म लम्ब्याउने निर्णय पनि गरेको छ ।
पूर्वघोषित लडाउन १५ वैशाखसम्म थियो ।
तर कोभिड-१९ सम्बन्धी उच्चस्तरीय समन्वय समितिको शनिबार बसेको बैठकले लकडाउनकै कारण कोरोनाको संक्रमण नियन्त्रण गर्न सफल भएको निष्कर्ष निकालेको थियो सो अनुसार सरकारले लकडाउनको अवधि लम्बाएको हो ।
आजसम्म नेपालमा ५२ जना संक्रमितहरु भेटिसकेका छन् । अहिले भर्खरै झापाको बाह्रदशी गाउँपालिकामा रहेका ५० वर्षिय पुरुषमा कोरोना संक्रमण भेटिएको स्वास्थ्य तथा जनसंख्या मन्त्रालयले पुष्टि गरेको छ ।
