झापाको बाह्रदशीमा मुस्लिम समुदायका एक व्यक्तिमा कोरोना पुष्टि भएको छ ।
गाउँपालिकाले बनाएको क्वारेन्टाइनमा बसिरहेका ति पुरुषमा कोरोना संक्रमण फेला परेको हो । स्वास्थ्य तथा जनसंख्या मन्त्रालयले एक विज्ञप्ती जारी गर्दै झापाको संक्रमितको पुष्टि गरेको हो ।
अहिले ति व्यक्तिलाई लिन प्रदेश सरकारको सामाजिक विकास मन्त्रलायको टोली झापाको बाह्रदर्शी गाउँपालिकातर्फ गइरहेको झापामा रहेका हाम्रा सहकर्मी प्रकाश पौडेलले जानकारी दिनुभएको छ । स्वास्थ्य तथा जनसंख्या मन्त्रालयले जारी गरेको विज्ञप्तीमा भने उक्त व्यक्ति अस्पतालको सम्पर्कमा पुगिसकेको बताइएको छ ।
उनी जमातीबाट फर्किएको बुझिएको छ ।
यसअगाडी झापाको दमकमा एक व्यक्तिमा कोरोना संक्रमण पुष्टि भैसकेको छ । यो सँगै झापामा कोरोना संक्रमितको संख्या २ पुगेको छ भने नेपालभर संक्रमितको संख्या ५२ पुगेको छ ।
अहिलेसम्म १६ जना निको भएर फर्किसकेका छन् ।
