काठमाडौं । पूर्वप्रहरी महानिरीक्षक (आईजीपी) सर्वेन्द्र खनालसहित सांसदद्वय महेश बस्नेत र किसन श्रेष्ठ विरुद्ध प्रहरीमा उ-जुरी दिन नेताहरु काठमाडौं प्रहरी परिसर पुगेका छन् ।
जनता समाजवादी पार्टी, नेपालका नेता डा बाबुराम भट्टराई, उपेन्द्रलगायत, उजुरी दिन आइतबार परिसर पुगेका हुन् । खनालसहित बस्नेत र श्रेष्ठमाथि तत्कालीन समाजवादी पार्टीका सांसद सुरेन्द्र यादवलाई महोत्तरीबाट अप-हरण गरेर काठमाडौं ल्याएको आरोप लागेको छ । अप-हरणमा परेका भनिएका यादव पनि सँगै प्रहरी परिसर पुगेका छन् ।
खनाल, बस्नेत र श्रेष्ठले गत बुधबार सांसद यादवलाई अप-हरणको शैलीमा जनकपुरबाट काठमाडौं ल्याइपुर्याएका थिए । पार्टी फुटाउने योजनासहित सांसद यादवलाई सत्तारुढ नेकपाका सांसदद्वय महेश बस्नेत, किसन श्रेष्ठ र पूर्वप्रहरी महानिरीक्षक सर्वेन्द्र खनालले जबर्जस्ती बुधबार राति काठमाडौं ल्याएको समाजवादीको दाबि छ ।
आफ्नो पिएसओमार्फत् सर्वेन्द्र खनालले घर पत्ता लगाएर घरमै पुगेको र जबर्जस्ती काठमाडौं ल्याएको सांसद यादवले बताएका छन्। तर, सांसदद्वय र खनालले भने यादवले नै प्रधानमन्त्रीलाई भेट्ने इच्छा व्यक्त गरेपछि काठमाडौं ल्याएको दाबी गरेका छन्।
सांसद यादवले उनीहरुविरुद्ध उजुरी हालेमा मुलुकी अपराध संहिता २०७४ को दफा २११ आकर्षित हुन्छ । कुनै व्यक्तिलाई बल प्रयोग गरी वा सो प्रयोग गर्ने धम्की दिई, छलकपट गरी वा डरत्रासमा पारी, जोर जुलुम गरी, हातहतियार देखाई वा नदेखाई वा झुक्यानमा पारी वा नशालु पदार्थ वा मादक पदार्थ सेवन गराई वा कुनै व्यक्ति यात्रा गरी रहेको सवारीसाधन कुनै किसिमले कब्जा वा नियन्त्रणमा लिई वा त्यस उपर कुनै किसिमले नियन्त्रण गरी निजलाई कुनै ठाउँमा लगेमा वा जान बाध्य गराएमा अप-हरण गरेको ठहरिने उल्लेख छ।
गत बुधबार महोत्तरीस्थित घरमै रहेका यादवलाई उनीहरुले काठमाडौं ल्याएका थिए भने त्यसको भोलिपल्ट यादव होटल मेरियटबाट भागेर पार्टीको सम्पर्कमा पुगेका थिए ।
यता पार्टी फुटका लागि सांसदनै अप-हरणमा परेपछि बुधबार राति नै समाजवादी पार्टी र राजपा नेपालबीच एकीकरण गरेर जनता समाजवादी पार्टी, नेपाल गठन गरिएको थियो ।