प्रधानमन्त्री केपी ओली र सरकारविरुद्ध सामाजिक सञ्जाल फेसबुकमार्फत लागातार कटु आलोचना गर्दै आएका पूर्वसचिव भीम उपाध्याय जेल जाने करिब निश्चित भएको छ ।

उपाध्यायविरुद्ध साइबर क्राइम मुद्दा दर्ता भएको हो । सरकारी वकिलको कार्यालय काठमाण्डुले काठमाण्डु जिल्ला अदालतमा उपाध्यायविरुद्ध साइबर क्राइम मुद्दा दायर गरेको हो । उनीमाथि विद्युतीय कारोबर ऐन–२०६३ अन्तर्गत कारबाहीको माग गरिएको छ ।

उक्त ऐनअनुसार कसुर ठहर भए उपाध्यायलाई पाँच वर्ष जेल सजाय हुनेछ ।

प्रहरीले उपाध्यायलाई केही दिनअघि ललितपुरको कुसुन्तीस्थित निवासबाटै पक्राउ गरेको थियो ।