काठमाडौं, १२ बैशाख । प्रमुख प्रतिपक्षी दल नेपाली कांग्रेसका सभापति शेरबहादुर देउवाले अध्यादेश फिर्ता लिएको भन्दै प्रधानमन्त्री केपी शर्मा ओलीलाई धन्यवाद दिएका छन् ।
आज प्रधानमन्त्रीको निवास बालुवाटारमा भएको भेटवार्ताको क्रममा सभापति देउवाले अध्यादेश फिर्ता लिएर गल्ती सच्याएको भन्दै धन्यवाद दिएका थिए ।
भेटवार्ताबारे जानकारी दिँदै कांग्रेस पार्टी कार्यालयका मुख्यसचिव कृष्ण प्रसाद पौडेलले यस्तो बताएका हुन् ।
भेटवार्ताको क्रममा देउवाले एक जना सांसदलाई अप-हरणको शैलीमा काठमाडौं ल्याउन जो जो संलग्न छन् तीनलाई कारबाही गर्नुपर्ने देशभरि माग उठेको र आफ्नो पनि सोही माग भएको कुरा प्रधानमन्त्री ओलीलाई भनेको पौडेलद्धारा प्रेषित विज्ञप्तीमा भनिएको छ ।
देउवाले यस सन्दर्भमा देशमा कानूनी राज भएकोले अनुशन्धान र कारबाही हुनुपर्ने बताएका थिए ।
त्यस्तै भेटवार्ताको क्रममा देउवाले प्रधानमन्त्री केपी शर्मा ओलीलाई श्रमिकलाई कि खान दिनुहोस कि गाउँ जान दिनुहोस् भन्ने कुरा राखेका थिए ।
