आज (मंगलबार) को दिन ११ जनामा कोरोना पोजेटिभ देखिएको छ ।
वीपी कोइराला प्रतिष्ठानमा ८ जनाको परीक्षणको रिपोर्ट पोजिटिभ आएको थियो भने राष्ट्रिय प्रयोगशालामैं गरिएको परीक्षणमा अर्का एकजनाको रिपोर्ट पोजिटिभ आएको स्वास्थ्य मन्त्रालयले जनाएको थियो। सोसँगै आज दिउँसोसम्म संक्रमित हुनेको संख्या ९ पुगेको थियो तर साँझ राष्ट्रिय जनस्वास्थ्य प्रयोगशाला टेकुमा पीसीआर बिधिबाट परीक्षण गरिएका थप दुई जनामा कोरोना संक्रमण पुष्टि भएको छ। योसँगै मंगलबार एकैदिन कोरोनाबाट संक्रमित हुनेको संङख्या ११ पुगेको हो ।
स्वास्थ्य मन्त्रालयका सहप्रवक्ता डा. समीर अधिकारीका अनुसार थपिएका दुई संक्रमित पनि उदयपुरकै हुन्।
उदयपुरबाट स्वाब ल्याई राष्ट्रिय प्रयोगशालामा गरिएको परीक्षणमा संक्रमण पुष्टि भएको हो।
त्यसभन्दा पहिले नै उदयपुरमा १३ जनामा संक्रमण पुष्टि भएपछि त्यहाँ ठूलो संख्यामा मानिसहरुको स्वाव संकलन गरिएको थियो। अब उदयपुर जिल्लामा संक्रमित हुनेको सङख्या २४ पुगेको छ भने देशभर ४२ पुगेको छ ।
तीमध्ये ५ जना निको भई घर फर्किसकेका छन्।
