८ बैशाख , काठमाडौं । चीनको वुहानबाट शुरु भएको कोरोनाको संक्रमण अहिले विश्वव्यापी महामारीको रुपमा फैलिएको छ । यसको तीव्र संक्रमण अमेरिकामा छ ।

अमेरिकामा पछिल्लो २४ घण्टामा १ हजार ५ सय १० जनाले ज्यान गुमाएसँगै मृत्यु हुनेको संख्या ४० हजार ५ सय २४ पुगेको छ । अस्ती (शनिबार) को तुलनामा आज (सोमबार) को मृत्यु झण्डै १ हजार कम हो ।गएको शनिबार २ हजार ४ सय ९८ जना बढीले ज्यान गुमाएका थिए, त्यस्तै हिजो (आइतबार) १ हजार ८ सय ५७ बढीले ज्यान गुमाएका थिए ।

एकैदिन २४ हजार ७ सय ८७ बढीमा संक्रमण देखिएसँगै संक्रमित हुनेको संख्या ७ लाख ६३ हजार ५ सय ७९ बढी पुगेको छ । संक्रमितमध्ये १३ हजार ५ सय ६६ जनाको अवस्था गम्भीर रहेको छ भने ७० हजार ९ सय ३८ जना संक्रमित उपचारपछि निको भएका छन् ।