केटीएम दैनिक । १ बैशाख काठमाडौं :
हिजो बेलुका एउटा समाचार आयो बाग्लुङ्ग जिल्लाको काठेखोला गाउँपालिकामा गरिएको र्यापिड टेष्टमा एक महिलाको रिपोर्ट पोजेटिभ देखियो । उनलाई थप परिक्षणको लागि पोखरा वा काठमाडौं ल्याउने तयारी भएको छ ।
उक्त समाचार आएपछि बाग्लुङ जिल्लामा सन्त्रासको वातावरण फेलियो । २ जना महिलाहरुमा कोरोना पोजेटिभ देखिएर धौलागिरी अस्पतालमा रहिरहेको अवस्था तेस्रो महिलामा पनि पोजेटिभ देखिएपछि जिल्लावासीहरु त्रासमा हुनु स्वभाविक थियो ।
तर ती महिलाको थ्रोट स्वाब परीक्षण गर्दा रिपोट नेगेटिभ आएको छ । यसले केही भएतापनि राहत प्रदान गरेको जिल्लावासी बताउँछन् । यो सँगसँगै र्यापिड टेष्टको रिपोर्टमा अक्षरश विश्वास गर्ने अवस्था रहेन । जिल्लावासीलाई आतंकित बनाउने काम मात्र भयो भन्दै बाग्लुङ्ग जिल्लावासीहरुले आवाज उठाउन सुरु गरेका छन् ।
इबाग्लुङ्ग डटकमका सम्पादक ज्ञानेन्द्र गौतम भन्छन् “जिल्लाव्यापीरुपमा झण्डै ९ सयको हाराहारीमा गरिएको र्यापिड टेष्टको रिपोर्टमा विश्वास गरेर ढुक्क हुने अवस्था देखिएन । यसमा जनप्रतिनिधी एवं सरोकारवालाहरुले बेलैमा सोँच्नु जरुरी छ ।”
जिल्ला प्रहरी कार्यालय बागलुङका अनुसार र्यापिड टेष्टको रिपोर्ट पोजेटिभ आएकी महिला पार्वती कँडेल उनका श्रीमान वर्ष ७१ का दयाराम कँडेल, छोरा वर्ष ३६ का अनन्त कँडेल, निजकी श्रीमती वर्ष ३० की गंगा कँडेल, वर्ष २८ का छोरा खगराज कँडेल र निजकी श्रीमती वर्ष २७ की पार्वती कँडेल, छिमेकी राजन कँडेल र निजकी आमा टहली कँडेल, अनन्त कँडेलका सासू ससुरा पर्वत कुनपा १ पाङका डिल्लीराज रिजाल र पवित्रा रिजाल, खगराज कँडेलका सासू ससुरा हाल काठमाडौ कीर्तिपुर बस्ने चतुर्भूज सापकोटा र यामकली सापकोटा तिर्थयात्राका लागी भारत गएर फर्किएका थिए ।