नेपाली चलचित्र क्षेत्रकी अभिनेत्री शिल्पा पोखरेलले भोजपुरी चलचित्रमा पाइला टेकेकी छिन् ।
उनले भोजपुरी चलचित्र जय शम्भु मार्फत डेब्यु गरेकी हुन् । यसै चलचित्रको टिजर शुक्रबार सार्वजनिक गरिएको छ । टिजरमा अभिनेत्री शिल्पा पोखरेल भोजपुरी कलाकार प्रदीप पाण्डेसँग देखिएकी छिन् ।
अभिनेत्री शिल्पाले आफुले भोजपुरी चलचित्रमा अभिनय गरेको बारे सामाजिक सञ्जालमा जानकारी गराएकी छिन् । सोनु खत्रीको निर्देशन रहेको यस चलचित्रमा शिल्पा पोखरेल, प्रदीप पाण्डे, ध्रुव कोइराला लगायतका कलाकारको अभिनय रहेको छ । चलचित्रको प्रदर्शन मिती भने सार्वजनिक गरिएको छैन ।
केही समयअगाडी श्रीमान छवि लामिछाने र शिल्पाको डिभोर्सको हल्ला गर्दा उनी चर्चामा आएकी हुन् ।