मुम्बई – भारतीय गायिका कनिका कपूरले आफूलाई कोरोना भाइरस टेस्टमा पोजेटिभ रिपोर्ट आएपछि आश्चर्य मानेकी थिइन् । त्यसपछि उनले बारम्बार कोरोना टेस्ट गराएकी थिइन् ।

भारतीय मिडियाका अनुसार कनिकाको चौथो कोरोना टेस्टमा पनि रिजल्ट पोजेटिभ आएको छ । यसअघि उनको तेस्रो रिपोर्ट पनि पोजेटिभ आएको थियो ।

मिडिया रिपोर्टसका अनुसार कनिकालाई लखनउको एक अस्पतालका भर्ना गरिएको छ । उनको रिपोर्ट फेरि पनि पोजेटिभ आएपछि परिवार तनावमा परेको छ ।

यी गायिका २० मार्चदेखि अस्पतालमा भर्ना भएकी छिन् ।

करिनाको सम्पर्कमा आएका २६२ मध्ये ६२ जनाको रिपोर्ट नेगेटिभ आएको छ । यी बलिउड गायिका ९ मार्चमा लण्डनबाट मुम्बई आएकी थिइन् । त्यसपछि उनले केही पार्टीमा पनि सहभागिता जनाएकी थिइन् । कनिकाले लापरवाही गरेको भन्दै उनीविरुद्ध उजुरी पनि परेको छ ।