बेलबारी । बाइवल पढे कोरोना भाइरस निको हुन्छ भन्दै प्रथना गराँउदै गरेको अवस्थामा बेलवारी १० बलुवाहीस्थित कुण्डलीबारी चर्चमा भेला भएका व्यक्तिलाई सशस्त्र प्रहरी वल वेस क्याम्प लक्ष्मीमार्गको टोलीले पक्राउ गरेको छ । हिजो साँझ गस्ती गर्ने क्रममा उक्त चर्चमा करिव बिस जना भन्दा बढी भेला भएर वाइवल पढिरहेको अवस्थामा भेटिएका थिए । उनीहरुले प्रहरीलाई देखे पछि भागेका थिए । तर केहिलाई भने सशस्त्र प्रहरीको उक्त टोलीले पक्राउ गरेको सशस्त्र प्रहरी वल वेस क्याम्प लक्ष्मीमार्गले जनाएको छ ।
बेलवारी १० मा रहेका गोपाल राजवंशीले आफ्नै घरमा उनीहरुलाई भेला पारेर प्राथना गराएका थिए । उनीहरुलाई सम्झाएर छाडिएको बताइएको छ ।उता मोरङ पथरीशनिश्चरे–२, मा रहेको हरियाली सामुदायिक वन उपभोक्ता समूहको भवन आवश्यक परेमा कोरोना भाइरस नियन्त्रणको लागि उपलब्ध गराउने जनाएको छ ।पथरीशनिश्चरे नगरले कोरोना संक्रमित व्यक्ति राख्ने आवश्यक ठानेमा हरियाली वनमा रहेको भवनलाई आइसोलेशन वार्डको लागी दिन तयार रहेको वन अध्यक्ष काबुलबहादुर मगरले बताए ।हरियाली वनमा करिब ५० वटा बेड अट्ने पक्की भवन (हल) रहेको छ ।