युरोपेली देश इटालीमा कोरोनाबाट मृत्यु हुनेको दर अत्यधिक बढेको छ । इटालीमा संक्रमित र मृत्युदर रोक्न समस्या परेको छ ।
त्यहाँ हालसम्म १० हजार २३ जनाकाे कोरोनाका कारण मृत्यु भएको छ । जसमध्ये एक दिनमा मात्रै ८ सय ८९ जनाको ज्यान गएको छ । ५ हजार ९ सय ७४ जना नयाँ संक्रमित देखिएका छन् । २९ जनावरीमा पहिलो केस देखिएको इटालीमा करिब २ महिनाको अवधिमा ९२ हजार ४७२ जना संक्रमित हुँदा १० हजार २३ जनाके मृत्यु भएको छ ।
पछिल्लो एक दिनमा इटाली पछि बढी मृत्यु हुनेमा स्पेन रहेको छ । एक दिनमा स्पेनमा ८४४ जनाको मृत्यु भएको छ । यसै बिचमा स्पेनकी राजकुमारीको समेत मृत्यु भएको छ ।
संक्रमितकै संख्या अत्याधिक बढ्नेमा अमेरिका रहेको छ । अमेरिकामा पछिल्लो एक दिनमा १९ हजार ११९ जना संक्रमित थपिएका छन् । हालसम्म २०० भन्दा बढी राष्ट्रमा संक्रमण फैलदा जम्मा संक्रमितमध्ये अमेरिकी मात्रै १८ प्रतिशत रहेका छ ।
अहिलेसम्म अमेरिकामा १ लाख २३ हजार ३ सय १३ जना संक्रमित भएका छ । अमेरिकामा पछिल्ला दिनहरुमा मृत्युदर पनि बढेको छ । पछिल्लो एक दिनमा ५ सय ५१ जनाको मृत्यु भएपछि २ हजार २ सय १२ जना पुगेके छ ।
चीनमा पछिल्लो एक दिनमा ५ जनाको मृत्यु भएको छ भने ४५ जना नयाँ संक्रमित भेटिएका छन् । हालसम्म ६ लाख ६२ हजार ६ सय ७४ जना संक्रमित हुँदा ३० हजार ८ सय ८४ को मृत्यु भएको छ । १ लाख ४२ हजार पूर्णरुपमा निको भएका छन् भने २५ हजार ४ सय १ जना गम्भिर अवस्थामा रहेका छन् ।
